CAI NA AUGA E ROMPE, CAI NO PENALLO E NON ROMPE
Performance sonora creada na residencia artística Artistea en Pontearea, Pontevedra e presentada na noite do Corupus na vila
Esta obra reflexiona sobre a identidade como unha mestura inseparable de experiencias vitais, tanto positivas como traumáticas, e destaca a importancia de aceptalas todas como partes fundamentais do que somos. A proposta parte dunha mirada cuir e disidente, pero pretende estender esta reflexión a toda a sociedade, subliñando que todas as persoas nos construímos do mesmo xeito: a través das nosas vivencias e contextos.
O proxecto artístico “Cai na auga e rompe/ cai no penallo e non rompei” toma como referencia as mantas florais do Corpus Christi de Ponteareas para crear unha instalación performativa. Esta consiste na elaboración dunha manta de flores de papel crepé, que será desfeita durante unha performance con auga e esponxas. Este xesto simboliza como as vivencias, mesmo as dolorosas, sempre deixan pegada en nós.
A obra inclúe tamén unha peza sonora feita con sons recollidos en Ponteareas, como vento, pasos ou auga, elementos que conectan co crecemento das flores e coas distintas identidades. Ao final da performance, queda unha cortina tinguida de cores como peza final, símbolo da diversidade, da memoria e da aceptación de todo o que nos compón. Así, a obra convértese nun acto de autosanación e celebración das identidades.