Da luz do amencer veñen sons da natureza, sombras de encaixe na pedra, paporroibos que ofician a nova coa sua apracible plumaxe, o arrecendo da madeira húmida, un parto no inverno do 97.

As tardes de chuva na casa labrega dos seus avós levouno a coñecer a artesanía que estaba nas mans da súa tía Mary. A curiosidade do neno coñeceu as posibilidades que os materiais do seu arredor ofrecían ao lecer nas súas mans, que ben titorizadas acadaron pouco a pouco máis maña. O xogo non ficaba co barro ou a pintura; el foi un namorado das bonecas que tiña por casa, e non coñecía mellor maneira de pasar o tempo que deseñando para elas.

Na aldea ligouse á tradición oral da zona escoitando contos nos bares e polas noites nas ruadas, así, o seu imaxinario vai collendo todo aquilo que a súa familia e veciños din. Mais, fóra do círculo veciñal descubriu cousas novas coma a influencia do David Delfín, quen marcou fortemente o seu pensamento respecto á moda e, a visión que un podía ter da xente maior dentro do mundo da moda.

Pódese dicir que Marey criouse lonxe da modernidade para coller da maneira máis pura aquilo que Galiza contén en Rois, na provincia de Lugo. O interese que tiña de pequeno co tempo mudou en paixón, e, na procura de dar a coñecer a súa arte e a súa terra encóntrase aquí, para vostedes, cos brazos abertos.